Egnatia e Rrogozhinës ka marrë pikë në ndeshjen debutuese në Evropë.
Në duelin e xhiros së parë të fazës së ligës në “Conference League” të enjten mbrëma, Egnatia barazoi 1:1 me Midtjyllandin e Danimarkës.
Ndeshja u bart në “Elbasan Arena”. Ishte planifikuar që dueli të zhvillohej në Tiranë, por për shkak të protestave në kryeqendrën e Shqipërisë, u vendos që ndeshja të luhej në Elbasan, 35 kilometra larg Tiranës.
Sulmuesi Ildi Gruda shënoi me asistim të Altin Kryeziut në minutën e 26-t.
Shtatë minuta më vonë, Gue-Sung Cho i barazoi shifrat dhe rezultati nuk ndryshoi më.
Egnatian e udhëheqë Nevil Dede që shkroi historinë me këtë arritje, me skuadrën nga Rrogozhina.