Dukagjini është përforcuar me një sulmues nga Gana.
Klubi nga Klina njoftoi të martën për transferimin e sulmuesit Basit Abdul Khalid.
Khalid në Superligën e Kosovës është paraqitur edhe më herët te skuadra e Prishtinës.
Për Prishtinën luajti nga viti 2016 deri në vitin 2019. Ai së fundi ishte pjesë e klubit nga Libia, El Ettihad Al-Misraty. Qendërsulmuesi ishte pa klub nga muaji janar.
“Kemi kënaqësinë të njoftojmë për arritjen e marrëveshjes me sulmuesin, Basit Abdul Khalid. 29-vjeçari nga Gana i bashkohet familjes sonë për këtë sezon, duke sjellë me vete përvojë dhe cilësi në repartin ofensivë. Të gjithë në klub i dëshirojmë Khalidit mirëseardhje dhe shumë suksese me fanellën tonë”, ka shkruar Dukagjini.
Khalid ka luajtur edhe për disa klube të tjera si Teuta, Sheriff Tiraspol e Al-Tadamon.