Disfata 3:1 nga Milani në Ligën e Kampionëve, ka bërë që puna e trajnerit Carlo Ancelotti në krye të Real Madridit, të jetë e rrezikuar.
Malick Thiaw, Alvaro Morata dhe Tijjani Reijnders shënuan në “Santiago Bernabeu” të martën mbrëma, për fitoren impresive të “kuqezinjve” ndaj madrilenëve, që janë fitues në fuqi të “Championsit”.
Por kjo humbje ka bërë që Ancelotti të mos e ketë të sigurt punën te Real Madridi, kanë shkruar mediat spanjolle të mërkurën.
“Marca” ka shkruar se ky Real Madrid e ka prekur fundin.
Real Madridi ka pësuar dy humbje rresht në të gjitha garat.
U mposht edhe nga Barcelona 4:0 në La Liga.
