Huazimi i 19-vjeçarit Claudio Echeverri nga Manchester City te Bayer Leverkuseni ka përfunduar të premten.
Trajneri i skuadrës gjermane, Kasper Hjulmand, e ka konfirmuar lajmin në konferencën për shtyp para ndeshjes ndaj Leipzigut.
“Kemi arritur marrëveshje me Manchester Cityn për kthimin e tij”, ka thënë Hjulmand.
Echeverri nuk do të jetë në listën e lojtarëve të Leverkusenit për duelin e fundit të këtij viti në Bundesligë ndaj Leipzigut.
19-vjeçari ka luajtur në 12 ndeshje të këtij sezoni në të gjitha garat. Mesfushori me tipare sulmuese ka kontribuuar me një gol e një asistim.
City pritet që ta huazojë atë menjëherë te Girona në La Ligën spanjolle.