Portieri i Shqipërisë, Etrit Berisha, është në formë të mirë. 37-vjeçari nuk ka pësuar gol në gjashtë nga shtatë ndeshjet e luajtura për Hackenin suedez.
“Ka arritur në 389 minuta në ‘Allsvenskan’ pa pësuar gol”, shkruan klubi suedez për formën e Berishës.
Berisha i mungoi Hackenit për kohë të gjatë shkaku lëndimit. Por u kthye me fitore 1:0 në gusht kundër Halmstadit. Që nga ajo kohë, Berisha i ka shtatë paraqitje. Gol pësoi vetëm ndaj Vasteres më 29 gusht. Hackeni është në vendin e katërt me 42 pikë.
Deri në fund të edicionit në Suedi kanë mbetur edhe gjashtë xhiro.