Sulmuesi Albian Ajeti ka shënuar një tjetër gol për Baselin. Por kampioni i ri i Zvicrës pësoi disfatë të thellë me rezultat 6:2 nga kampioni i edicionit të kaluar, Young Boysi. Ndeshja Young Boys – Basel u zhvillua të dielën dhe i takoi xhiros së parafundit të elitës së futbollit zviceran.
Ajeti shënoi golin e epërsisë në minutën e 7-të. Ajeti dhe kapiteni Xherdan Shaqiri kompletuan takimin, kurse Leon Avdullahu luajti deri në minutën e 84-t. Për sulmuesin 28-vjeçar ishte goli i nëntë në Superligë, ndërsa ka edhe gjashtë asistime.
Kastriot Imeri mbeti në bankën e rezervistëve tek Young Boysi.
Baseli e pret Luzernin në ndeshjen e fundit, ndërsa më 1 qershor luan në finale të Kupës kundër Bielit.
