Ish-sulmuesi i Manchester Cityt, Sergio Aguero, e ka komentuar fituesin e Topit të Artë.
Aguero theksoi se Rodri e meritonte ta fitonte çmimin më të madh individual në futboll. Aguero ndër të tjera tha se futbolli është për të gjithë jo vetëm për Real Madridin.
“Rodri është lojtari më i mirë në botë. E ka merituar që ta fitojë Topin e Artë. Futbolli është për të gjithë, jo vetëm për Real Madridin. Te Madridi mendojnë se mund të bëjnë çfarë të duan ”, deklaroi Aguero.
Madrilenët e bojkotuan ceremoninë që u mbajt të hënën në Paris pasi braziliani Vinicius Junior nuk u shpall fitues i çmimit kryesor.
Real Madridi u shpall klubi më i mirë i vitit, ndërsa Carlo Ancelotti u shpall trajneri i vitit.
