Bologna, që ka befasuar me rezultate të mira këtë edicion në Serie A, është duke u interesuar për një futbollist shqiptar. Mediat në Zvicër e Itali kanë shkruar të mërkurën që Bologna po interesohet për mbrojtësin Albian Hajdari.
20-vjeçari është pjesë e Luganos. Në fakt Bologna e synon trajnerin e Luganos, Mattia Croci-Torti, që me vete pritet ta marr Hajdarin. Ai është pjesë e U21 të Zvicrës, ndërsa është rritur te Baseli. Te Lugano luan prej vitit 2022, pas një ndaljeje te Juventusi.
Hajdari kërkohet edhe nga kampioni i Zvicrës, Young Boysi.
Bologna aktualisht është e treta në Serie A dhe do të luaj në Champions në edicionin e ardhshëm. Me shumë mundësi edhe Hajdari.
