Ismael Saibari ishte futbollisti i parë i Bayern Munichut që i dha ndihmë Jamal Musialas të shtunën. Transferimi i ri e mban veshur fanellën me numrin 34, dhe kjo nuk është e rastësishme.
Në “Allianz Arena” pati panik të shtunën në fitoren 3:1 ndaj Leipzigut. Pak momente pasi Musiala e shënoi golin e tretë, pati marramendje dhe dukej i hutuar. Gjendjen e tij e pa debutuesi Saibari, i cili përveç që asistoi në golin e Musialas, i dha ndihmë atij menjëherë. E kapi nga prapa dhe e uli ngadalë në tokë, bashkë me Joshua Kimmichun që erdhi shpejtë.
Pasi stafi mjekësor hyri në fushë pati edhe momente çlirimi, pasi ata thanë se gjendja e Musialas është e mirë. Musiala u zëvendësua dhe u përcoll me thirrje e duartrokitje.
Një rast të tillë, Saibari e kishte përjetuar edhe në vitin 2017, por situata në atë kohë ishte shumë më e rëndë.
Në verën e atij viti, shoku i tij i skuadrës, Abdelhak Nouri, kolapsoi në fushë në miqësoren mes Ajaxit dhe Weder Bremenit. Edhe në atë kohë, temperaturat ishin mbi 30 gradë Celsius.
Nouri, në atë kohë 20-vjeçar, ishte i pafat. Ai pësoi arrest kardiak dhe u shpëtua në fushë, por incidenti e la me pasoja dhe dëmtime në tru. Numri 34 i Nourit nuk i jepet më askujt tek Ajaxi. Te Bayern Munichu, ai numër në fanellë i takon Saibarit, që e ka marrë në nderim të shokut të tij. Kështu kishin vepruar edhe Justin Kluivert te Roma dhe Donny van de Beek te Manchester Unitedi.
aussi
La Juventus a formulé une nouvelle offre pour Emiliano Martinez.
Musiala tani është mirë me shëndet dhe kjo u konfirmuar pas ndeshjes edhe nga drejtori sportiv i Bayernit, Max Eberl.
Të dielën, “Bild” ka raportuar se Musiala do t’i bashkohet pjesës tjetër në stërvitje të hënën.
