Flaka Goranci me projekt të ri dedikuar grave kompozitore

Mezzo-sopranoja Flaka Goranci personifikon zërin shqiptar që po depërton në skenat e njohur evropiane. Por, tash e një kohë ajo është duke përgatitur edhe një projekt të ri.

“Zëri i gruas në muzikë” titullohet projekti i saj më i ri, i cili bashkon emrat e kompozitoreve të njohura që prapa kanë dhe një histori për të treguar. Për këtë projekt, Goranci ka bashkëpunuar me muzikologe nga Kosova, Turqia e Italia.

Goranci këto histori do t’i përmbledhë edhe në një dokumentar, i cili pritet të shfaqet edhe para publikut të huaj. Ajo ka përzgjedhur këto gra pikërisht për shkak të rrugëtimit të tyre plot sakrifica.

Në Ditën e Muzikës, ajo ka dhe një mesazh i cili përmbledh edhe qëllimin e projektit të saj më të ri “Zëri i gruas në muzikë”.

Mezzosopranoja Flaka Goranci me zërin e paraqitjen e saj ka zotëruar disa nga rolet më të njohura. Ajo aktualisht po jeton në Vjenë, ku po e zhvillon karrierën në skenat evropiane.