EXPRESS

Përurohen kafe-libraria KOHA dhe “Stina e pestë”

 

Me urim për çerekshekullin e gazetës “Koha Ditore”, drejtoresha menaxhese e Grupit KOHA, Flaka Surroi, u ka uruar mirëseardhje bashkëpunëtorëve e lexuesve në kafe-librarinë e më të re “KOHA”.

Është shndërruar tashmë në traditë që Grupi KOHA përvjetorët e jubiletë e vet t’i festojë bashkë me lexuesit. Kësaj radhe muzika i hapi rrugë librit dhe në vend të një koncerti gala, si dhuratë për lexuesit është hapur kafe-libraria me një meny të pasur librash.