Dy alpinistët kosovarë të Klubit Alpin Prishtina, Nazmi Hasanramaj dhe Arineta Mula, janë kthyer në Kosovë pas përfundimit me sukses të Ekspeditës së Kosovës në Everest.

Shumë qytetarë i kanë pritur dy pushtuesit e Everestit në Aeroportin Ndërkombëtar të Prishtinës.

Aty pritet të mbahet edhe një konferencë për shtyp nga anëtarët e ekspeditës.

Hasanramaj e Mula kishin pushtuar majën më të lartë të botës, 8848 metra lartësi mbidetare, më 22 maj. Ekspedita e tyre zgjati 66 ditë.