Lajme

Yjtë kosovarë të Everestit në pritje të mjeteve të premtuara

Dy alpinistët kosovarë, Nazmi Hasanramaj e Arineta Mula, e kanë kryer misionin - pushtimin e majës më të lartë në botë, Everest (8.848 m/lmd), mirëpo ende jo edhe institucionet që u kishin premtuar mbështetje financiare për ekspeditën e tyre.

Alpinistët janë në përfundim të këtij rrugëtimi, përkatësisht rrugës për kthim në Kosovë pas ngjitjes së Everestit të hënën në mëngjes. E në përfundim të realizimit të premtimeve, thonë se janë edhe institucionet që kishin premtuar mjete para nisjes së tyre për në Nepal, shkruan sot Koha Ditore.