“Lojtarët e Zvicrës do të duken të freskët në ndeshjen e një të tetës së finales ndaj Italisë”, ka thënë Fatos Haxhija për mediumin e njohur zviceran “20 Minuten”.
Kjo gazetë ka shkruar se 30-vjeçari Haxhija “është promovuar në Ligë të Kampionëve të berberëve që nga kjo verë”.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Pse? Yjet e Zvicrës ia besojnë Haxhijës kokën e tyre, apo të paktën flokët e tyre”.
Djaloshi nga Kriensi ka thënë se do të udhëtojë për në Stuttgart për t’ua prerë flokët Granit Xhakës dhe lojtarëve të tjerë. Ai qethi lojtarët e Zvicrës para ndeshjes me Gjermaninë dhe para fillimit të Evropianit, në kampin në St. Gallen. Kontakti u bë javë më parë nëpërmjet lojtarit Leonidas Stergiou.
Haxhija u njoftua me lojtarin e talentuar të Zvicrës gjatë Evropianit U21, vitin e kaluar. E shoqëroi atë për një javë në Rumani me kërkesë të lojtarit tjetër, Darian Malesh.
“Kur u kontaktova nga Leonidas, menjëherë jam pajtuar. Isha plotësisht i humbur, shumë i lumtur dhe nuk kam mundur të besoj. Një ëndërr u realizua për mua”, ka thënë Fatos Haxhija për “20min.ch”.
Ai vazhdon të jetë në disponim të mirë. Ka tri vjet që e udhëheq një sallon për prerjen e flokëve. Thotë se i pëlqen t’i bëjë njerëzit më të bukur, të flasë me ta dhe t’i bëjë të lumtur me qethjen që ua bën.
Ka treguar që “frizura” tipike e futbollistëve është e njohur si “fade”. Flokët anash shkurtohen më shumë e në pjesën e epërme të kokës janë më të gjata.
Ky berber nuk kupton pse ka kritika kur lojtarët i prenë flokët para ndeshjeve.
“Vizita te berberi nuk shpërqendron lojtarët”, thotë Haxhija. Sipas tij, lojtarët duan të duken mirë pasi luajnë para një audience milionëshe.
“Deri më tani qethjet e Haxhijës i sollën fat Zvicrës. A do të jetë kështu në të ardhmen? Shpresojmë që po. Një gjë është e qartë, lojtarët e Zvicrës do të duken të freskët falë djaloshit nga Kriensi”, shkruan “20min.ch”.