Austria e kishte mposhtur Turqinë me rezultatin 6:1, më 26 mars të këtij viti në miqësore.
Humbje me rezultatin 6:1, Turqia kishte pësuar edhe nga Holanda, më 7 shtator 2021 në kualifikimet për Kupën e Botës 2022.
Përfaqësuesja e drejtuar nga selektori italian, Vincenzo Montella, revanshin e parë e arriti, pasi mposhti 2:1 Austrinë në një të tetën e finales.
Tani e synon revanshin e radhës ndaj holandezëve.
Ndeshja çerekfinale mes Holandës dhe Turqisë zhvillohet të shtunën nga ora 21:00 në Berlin.
Holanda avancoi në fazën nokaut nga vendi i tretë i Grupit D, ku ishin edhe Franca, Austria dhe Polonia.
Edhe
Turqia kthehet në skenën globale pas një kohe të gjatë
Ndërkohë, Turqia fitoi 3:1 ndaj Gjeorgjisë, u mposht 3:0 nga Portugalia, kurse fitoi ndaj Republikës së Çekisë 2:1, me gol në kohën shtesë.
Holanda e Turqia kanë luajtur 14 ndeshje mes vete deri tani. Holanda ka fituar gjashtë ndeshje, Turqia katër, ndërsa katër duele të tjera janë mbyllur baras.
Te Turqia nuk do të jetë i gatshëm për lojë i suspenduari Merih Demiral që shënoi dy gola ndaj austriakëve. Shkaku i kartonëve të verdhë, do të mungojnë Orkun Kokcu dhe Ismail Yuksek, por rikthehen nga suspendimi kapiteni Hakan Calhanoglu dhe Samet Akaydin.
