Austria pritet të ketë përkrahje të madhe nga tribunat në ndeshjen ndaj Turqisë. Tifozët austriakë janë grumbulluar shumë orë më parë në Leipzig, ku luhet ndeshja e fundit e një të tetës së finales.
Por në vend se të këndojnë këngë në përkrahje të Austrisë, disa prej tifozëve kanë kënduar këngë kundër të huajve.
“Të huajt jashtë, të huajt jashtë”, është dëgjuar kënga e disa tifozëve austriakë gjatë një lidhjeje direkte të televizionit zviceran SRF.
Është kjo një thirrje e bllokut të djathtë radikal në Austri dhe jo vetëm. Është thirrje kundër të huajve që jetojnë në shtetin e Austrisë.
