Rregullat e UEFA-s janë të qarta. Nuk janë vetëm lojtarët që mund të suspendohen pas dy kartonëve të verdhë.
Edhe selektorët rrezikojnë për një gjë të tillë.
I rrezikuar është përzgjedhësi i Gjermanisë, Julian Nagelsmann, në duelin e çerekfinales së Evropianit kundër Spanjës.
Nagelsmann këtë të përbashkët e ka me Antonio Ruedigerin, Robert Andrichin dhe Maximilian Mittelstadtin.
Përzgjedhësi dhe tre futbollistët rrezikojnë të mos paraqiten në gjysmëfinale nëse ndëshkohen me karton të verdhë ndaj spanjollëve dhe natyrisht nëse kualifikohen.
Nagelsmanni u ankua në një rast në duelin kundër Danimarkës në një të tetën e finales dhe u ndëshkua me të verdhë në minutën e 59-të.
Lajmi i mirë është se nëse ndonjëri prej tyre nuk ndëshkohet me karton të verdhë në çerekfinale, kartonët do t’u hiqen për ndeshjen eventuale gjysmëfinale.
Edhe
Gjermania nis përgatitjet pa liderin e mbrojtjes
Ky rregull është bërë që lojtarët të mos rrezikojnë finalen shkaku i suspendimit me kartonë.
Mbrojtësi Jonathan Tah ishte i suspenduar ndaj Danimarkës, por do të kthehet ndaj Spanjës.
