Tifozi zviceran Luca Loutenbach u bë i famshëm, me festimin e tij të çmendur, kur Zvicra barazoi rezultatin me Francën në minutën e 90-të, në ndeshjen e 1/8 së finales të Euro 2020.
Në mediume ishte paraqitur dallimi në sjelljen e Lucas brenda pak sekondave.
Fillimisht pamja e tij kur rezultati ishte 3:2, e më pas kur u barazua rezultati me golin e Mario Gavranoviqit, ndërsa Luca shihej në foto duke bërtitur dhe pa fanellë.
Zvicra e eliminoi kampionen e botës Francën pas penalltive në 1/8 e finales.
“Nuk e di se si më ndodhi. Besoj se më shkruan të gjithë që më njohin”, thotë 28-vjeçari për Blick. “Pati shumë reagime. Unë jam thjeshtë një tifoz normal, me rëndësi është kualifikimi i Zvicrës në çerekfinale”.
Edhe
Dhjetë arsye për ta dashur Kampionatin Evropian
Foton e Lucas e shpërndau në Twitter edhe kryebashkiaku i Londrës, Sadiq Khan.
Luca tash po mendon për ndeshjen çerekfinale kundër Spanjës që do të luhet në St. Petersburg të Rusisë.
Ai e mori fatin në duart e veta.
Shkroi në Twitter duke i kërkuar FlySwiss biletë për në St. Petersburg.
“Hej FlySwiss sa retweet duhet që të më dërgoni në St. Petersburg të premten?” – ka shkruar Luca në Twitter.
Edhe
Mehmedi optimist se Zvicra mund ta eliminojë edhe Spanjën në “Euro 2020”
Kompania ajrore më pas kontaktoi Lucan direkt.
“I dashur Luca, na kontaktoni direkt, më pas do të realizojmë ëndrrën tuaj”, ishte përgjigja e kompanisë.
