Ukraina e Andriy Shevchenkos ka humbur 3:2 nga Holanda, por ka shfaqur nivel të mirë të dielën mbrëma në Euro 2020.
Selektori ukrainas, Shevchenko e ka vlerësuar lart ndeshjen.
“Ishte ndeshje shumë e shpejtë dhe shumë interesante. Kishte shumë raste shënimi në të dy skuadrat. Dua të falënderoj ekipin tim për reagimin që bëri, sidomos pasi ishim duke pësuar 2:0. Ne mund të kishim humbur ndeshjen në atë moment, por nuk u ndalëm”, ka thënë Shevchenko. “Kemi gjetur energji për të ndryshuar gjërat dhe për të sulmuar. Ne kemi ndryshuar formacionin dhe jemi balancuar. Lojtarët kanë dhënë më të mirën”, ka shtuar legjenda ukrainase.
Artikuj të ngjashëm