Mesfushorja e klubit të Bundesligës gjermane SC Freiburg, Erëleta Mehmeti, vlerëson se Franca me plotë meritë e ka fituar ndeshjen kundër Gjermanisë sot. Franca e mposhti Gjermaninë në ndeshjen e Grupit F të Euro 2020.
Franca triumfoi 1:0 me një autogol të shënuar nga Mats Hummels në minutën e 20-të.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Nga ato që kemi parë, Gjermania nuk meritoi më shumë. Mendoj se Gjermania kishte mungesë në mesfushë, ka bërë disa krosime, por në mesfushë nuk ka pasur lojtarë. Franca e ka shënuar golin e është relaksuar. E nga fundi i ndeshjes e ka pasur idenë të luajë me topa të gjatë të drejtuar nga Mbappe që është lojtar shumë i shpejtë, e të shënojë golin e dytë. Franca e ka merituar më tepër fitoren”, ka thënë Mehmeti për KTV.
Ajo ka shtuar se një nga përfaqësueset në Grupin F do të arrijë deri në finale të Evropianit.
“Grupi i Gjermanisë është grupi i vdekjes. Kam thënë se kjo lojë me Francën është si një parafinale, besoj se është grupi më i fortë, ku në të është edhe Portugalia e Hungaria. Është një grup i favoritëve për finale, mendoj se një ekip prej grupit do të shkojë në finale”, ka shtuar Mehmeti.
Ajo më herët kishte luajtur për U-17 dhe U-20 të Gjermanisë, ndërsa tash është pjesë e përfaqësueses së Kosovës.
“Kam qejf me pa Gjermaninë duke luajtur dhe ta shohë duke fituar. Por, të luash për Kosovën është ndjenjë e veçantë. Nuk ka qenë e vështirë të zgjedh Kosovën, pasi e kam dëgjuar zemrën”, ka thënë Mehmeti 21-vjeçare.