Alessandro Florenzi dhe Giorgio Chiellini janë në dyshim për ndeshjen e një të tetës së finales të Evropianit kundër Austrisë, që Italia e luan të shtunën.
Italia do të luajë ndaj Austrisë të shtunën në stadiumin e “Wembleyt”.
Chiellini mund ta humbë këtë ndeshje pas një lëndimi në muskul të pësuar kundër Zvicrës javën e kaluar dhe siç njofton “Sky Sport Italia” ende nuk është e sigurt nëse 36-vjeçari do të rikuperohet me kohë.
Ndërkohë Florenzi u lëndua në përballjen kundër Turqisë. Gjendja e italianit po përmirësohet, por mund të mos jetë i gatshëm kundër Austrisë.
