Legjenda e Italisë, Fabio Cannavaro beson se mbrojtësit e Juventusit Giorgio Chiellini dhe Leonardo Bonucci mund ta ndalin sulmuesin e Interit. Italia përballet me Belgjikën në çerekfinale të “Euro 2020” të premten.
Skuadra e drejtuar nga selektori Roberto Mancini fitoi tre ndeshjet e para të fazës së gupeve, por iu desh koha shtesë për ta mposhtur Austrinë në një të tetën e finales të Evropianit. Cannavaro nuk pajtohet që ekipi aktual i Italisë me atë të 2006, kur italianët fituan Kupën e Botës, është i ngjashëm.
“Ju lutem mos bëni krahasime me të kaluarën. Kjo Itali është e ngjashme me vetveten. Ata po përmirësohen dhe po krijojnë diçka unike. Më pëlqen mënyra se si luajnë dhe rezultatet që po i arrijnë. Nuk mund të qëndroni të pamposhtur për 31 ndeshje nëse nuk keni qëndrueshmëri”, ka thënë Cannavaro n një intervistë për “La Gazzetta dello Sport”.
