Manuel Locatelli dëshiron ta ndajë çmimin e lojtarit të ndeshjes me të gjithë ekipin e Italisë, ndërsa shpreson që Marco Verratti mund të kthehet së shpejti.
Mesfushori i Sassuolos ka shënuar dy gola në fitoren 3:0 ndaj Zvicrës, që i siguroi Italisë avancimin në raundin nokaut.
“Duhet ta ndajë këtë çmim me gjithë ekipin”, ka thënë Locatelli për RAI Sport.
23-vjeçari është shumë i lumtur që po luan për Italinë.
“Jam prej më të rinjve këtu. Më kanë pritur shumë mirë dhe është e mahnitshme që jam këtu”.
Locatelli po luan vetëm për faktin se mesfushori i PSG-së, Verrati, është i lënduar. Ndaj Zvicrës nuk ishte as në stol. Por Locatelli nuk e vlerëson veten të paprekshëm pas dygolëshit.
“Mendoj se jemi një grup i shkëlqyeshëm lojtarësh dhe vërtetë shpresoj se Marco mund të kthehet së shpejti, pasi është aq i talentuar dhe mund ta bëjë dallimin. Trajneri duhet të bëjë zgjedhjet e tij. E tëra që mund të bëjmë është të jemi gati”, ka theksuar Locatelli.
Italia ka fituar edhe ndaj Turqisë 3:0 dhe tani takohet me Uellsin.
“Le të vazhdojmë kështu”.
