Pas fitores ndaj Turqisë, Italia nesër do të ballafaqohet me Zvicrën në kuadër të Evropianit, Grupi A.
Në prag të kësaj ndeshjeje, trajneri i Italisë ka folur në një konferencë për media ku e ka vlerësuar lartë ekipin zviceran, por që kishte edhe fjalë të mëdha për mesfushorin kosovar Xherdan Shaqiri.
"Xherdani për mua është një lojtar i shkëlqyeshëm, ai në Inter bëri atë që duhej të bënte, për fat të keq Interi ishte në ndërtim e sipër dhe ai erdhi nga Bayerni në atë kohë. Por për mua, është një nga mesfushorët më të mirë në Evropë" , tha Mancini, përcjell Calciomercato të martën.
Roberto Mancini dhe Xherdan Shaqiri kishin bashkëpunuar tek Interi në vitin 2015. \ ksp
