Me gjithë rezultatet pozitive në javët e fundit, në kampin e Liverpoolit nuk dëshirojnë të nxitojnë me diskutimet për titullin e kampionit.
Trajneri Andoni Iraola ka theksuar se është ende herët për të bërë parashikime rreth garës për kreun e Premier Leagues, duke kërkuar që skuadra të mbetet e përqendruar te ndeshjet e radhës.
Liverpooli të dielën nga ora 17:30 e pret Arsenalin, në kuadër të javës së nëntë.
“Është ende muaji tetor. Duhet të përqendrohemi në ndeshje. Kur të arrijmë në gjysmën e sezonit, do të kemi një pasqyrë më të qartë të situatës”, ka deklaruar Iraola.
Iraola e njeh mirë skuadrën londineze, ndaj së cilës kishte regjistruar tri fitore në katër përballjet e fundit, kur ishte në krye të Bournemouthit.
Megjithatë, trajneri spanjoll ka bërë të qartë se rezultatet e së kaluarës nuk kanë shumë peshë për ndeshjen e ardhshme.
Liverpooli shpreson të ketë në dispozicion edhe Dominik Szoboszlain dhe Victor Munozin, të cilët kanë pasur probleme me lëndime.