Deri në 4 orë janë pritjet për të dalë nga territori i Kosovës nëpërmjet pikëkalimit kufitar të Jarinjës, ndërsa për të hyrë nëpërmjet kësaj pike pritjet janë deri në tri orë. Qendra Kombëtare për Menaxhim Kufitar e ka bërë përditësimin e fundit të fluksit në pikat kufitare rreth orës 16:25.
Fluksi në pikat kufitare mes Kosovës dhe Serbisë është krijuar si pasojë e zgjedhjeve parlamentare që po mbahen në Serbi.
Në Merdar pritjet për të dalë nga territori i Kosovës janë deri në dy orë, ndërsa për të hyrë deri në 1 orë e gjysmë. Në pikat tjera kufitare gjendja është më e qetë. Te Dheu i Bardhë pritjet janë deri në një orë, ndërsa në Bërnjak pritjet janë deri në gjysmë orë. Në Muçibabë 5 minuta.
