“Counter-Strike 2” është zyrtarizuar. Në një postim në Twitter, krijuesi i videolojërave “Valve” ka shkruar se një testim i kufizuar i CS2 ka nisur të mërkurën.
Shkrimi e përshkruan videolojën si “dallimin më të madh teknik në historinë e ‘Counter-Striket’” dhe ka premtuar përditësime e veçori të reja.
Videoloja e plotë pritet të lëshohet për përdorim në verën e 2023-s. Do të jetë falas për t’u luajtur.
CS2 pritet të sjellë përmirësim në hedhjen e granatave, në mesin e disa ndryshimeve që do t’i ketë. Një video e publikuar tregon edhe hartat e ndryshuara, kualitet më të mirë, ndryshime në audio e të tjera.
Kompania ka thënë se do të nisë “testin e kufizuar” dhe se njerëzit do të zgjidhen për t’iu bashkuar bazuar në disa faktorë. Të përzgjedhurve do t’u dërgohet një njoftim në menynë kryesore të videolojës së famshme CS:GO.
“Counter-Strike” është videolojë në të cilën janë dy ekipe të cilat përballen mes vete “në luftë”. Loja daton nga viti 1999.
© KOHA. Të gjitha të drejtat janë të rezervuara.
