E-sports

Ekipi i veçantë i “e-sports” që nuk njeh kufi të moshës

Ekipi i E-Sports nga Tajvani

“Na u bashkoni nëse keni guxim!” – është thirrja për dyluftim e ekipit të “E-sports”, Hungkuang Evergreen Gaming, raporton agjencia AP.

Një grup i të moshuarve nga Tajvani po dëshmon se mosha nuk është barrierë për të arritur sukses në E-Sports.

Ata po marrin pjesë në garën në Taichung City.

66-vjeçarja Chiang Yi-shu si eksperte kontrollon lojën, duke drejtuar karakteret e saja drejt botës online ku po luan.

Ajo ishte përfshirë në videolojën League of Legendes, pasi pa një reklamë në Universitetin Huangkuang në qendër të Tajvanit, që po rekrutonte “gamera” të moshuar.

Ajo kishte menduar se është mundësi për të mësuar diçka të re.

“Për një të moshuar, videolojërat janë vërtetë të mira për tru. Por, duhet pasur vendosmëri për të luajtur”, thotë Chiang.

Ajo ushtron në shtëpi e po ashtu në universitet kur ka kohë.

Ajo luan afro pesë orë çdo javë dhe ka udhëtuar në universitet në Taichung, me tren, çdo javë për të ushtruar për gara.

Çfarë është më e jashtëzakonshme, para një viti ajo shumë pak dinte ta përdorte kompjuterin.

Mirëpo, tash është mjaft e mirë.

Mosha mesatare e ekipit është 64 vjet.

Ego Hsu është trajnere e ekipit të moshuarve të “E-Sports”.

“Chiang duket pesimiste, mirëpo ajo ka më tepër vullnet se tjerët. Ajo është gamere që kalon shumicën e kohës duke ushtruar. Ajo po ashtu gjen kohë të më pyes për karakteret e lojës. Ndoënse tingëllon pesimiste, ajo është shumë agresive. I pëlqen shumë loja ‘League of Legend’”, thotë Hsu.

Hsu thotë se është inkurajuese që të moshuarit luajnë një lojë online.

Ndonëse ekipi humbi turneun, për Chiangun dhe lojtarët tjerë të ekipit, vetëm duke luajtur lojën patën mundësinë të mësojnë diçka të re dhe të mësojnë më tepër për teknologji.