Profesori Besfort Rrecaj, ka thënë se mënyra më e mirë për të evituar sulmin bërthamor, do të ishte të pajisen të gjitha shtetet me potencial bërthamor ushtarak.
Rrecaj ka thënë në “DESKU” të KTV-së se do të ishte më mirë që të krijohet një situatë ku të gjitha shtetet do të ruhen nga njëra-tjetra.
“Çdo përhapje e armës bërthamore për nevoja ushtarake shihet nga shtetet e tjera si rrezik potencial, sepse politikanët si Putni apo Kim Jong-un u jep argumente të mjaftueshme edhe shteteve të tjera se përse të mos kemi edhe ne një potencial bërthamor ushtarak që t’i kundërpërgjigjemi shteteve të tilla diktatoriale që udhëhiqen nga parimet e interesave të ngushta dhe tërësisht joparimore, jodemokratike e kështu me radhë. Historikisht por edhe tash diskutohet se ndoshta më e mira për tu evituar sulmi bërthamor do të ishte të pajisen të gjitha shtetet me potencial bërthamor ushtarak. Të krijohet një situatë ku të gjitha shtetet do të ruhen nga njëra-tjetra. Kërcënimi rus tërësisht joparimor ndaj Ukrainës mund ta nxisë edhe përshpejtimin dhe interesin e shumë shteteve që t’i kthehen prapë programeve të tyre ose në mënyrë klandestine zhvillimin e programeve të tyre bërthamore”, ka thënë Rrecaj
© KOHA. Të gjitha të drejtat janë të rezervuara.
