Cristian Volpato është përfshirë në ekipin e Australisë për Kupën e Botës në futboll, vetëm pak ditë pasi fitoi të drejtën e ndryshimit të përfaqësueses. Të premten FIFA dha lejen që Volpato të kaloi nga federata italiane në atë të Australisë.
Dhe të hënën 22-vjeçari u përfshi në ekipin prej 26 lojtarëve për Kupën e Botës që fillon më 11 qershor.
Katër vjet më parë Volpato kishte refuzuar ftesën që të luajë për Australinë në Botëror. I lindur në Sydney, Volpato ka luajtur për U21 të Italisë, por e kishte të drejtën e ndryshimit të përfaqësueses për shkak se nuk luajti asnjë ndeshje për Italinë A.
Italia ka dështuar të kualifikohet në Botëror.
Sulmuesi i krahut ishte te Roma nga viti 2021 deri në vitin 2023. Prej atëherë luan për Sassuolon.
Artikuj të ngjashëm
-
Ylli i Australisë dyshohet se doli pozitiv në testin për kokainë
-
FIFA paraqet dhjetë përfaqësueset që synojnë të kthehen në skenën më të madhe
-
FIFA planifikon rritjen e Botërorit në 64 përfaqësuese
-
Pochettino mund të mbetet gjatë përzgjedhës i SHBA-së
-
Conceicao nuk e dëshiron rrugëtimin e babait në Botëror