Kapiteni Harry Kane e ka lavdëruar selektorin e Anglisë, Thomas Tuchel.
Anglia e fitoi medaljen e bronztë pasi në ndeshjen për vend të tretë e mposhti Francën me rezultatin 6:4.
Ëndrra për trofeun e Kupës së Botës për Anglinë përfundoi në gjysmëfinale, pasi u mposht nga Argjentina.
Pavarësisht se Tuchel u kritikua shumë, kapiteni i “Tre Luanëve” i doli në mbrojtje duke thënë se ka qenë i jashtëzakonshëm.
“Ai ka qenë i jashtëzakonshëm nga perspektiva e një lojtari. Ky ishte turneu i tij i parë dhe ai do të mësojë prej tij. Jam vërtet shumë krenar. Ta përfundojmë turneun me një medalje është më e pakta që e meritojmë për gjithë përpjekjen që kemi bërë”, ka thënë sulmuesi i Bayern Munchenit.
32-vjeçari në Botërorin që u mbajt në SHBA, Meksikë dhe Kanada i realizoi gjashtë gola dhe bëri një asistim.
