FIFA ka paraqitur disa prej rekordeve që janë vendosur në Kupën e Botës në SHBA, Kanada dhe Meksikë. Botërori përfundoi të dielën, por emocionet e tij janë ende prezent.
Në Botërorin më të madh deri më tani edhe numri i rekordeve të thyera ishte i madh.
Më poshtë paraqesim disa prej tyre:
Dick Advocaat i Kurasaot është bërë trajneri më i vjetër që ka drejtuar ndeshje në Kupën e Botës. Ai i kishte 78 vjet e 271 ditë në ndeshjen e fundit të Kurasaot në Botëror, ndaj Bregut të Fildishtë.
Jude Bellingham&Harry Kane si dhe Ousmane Dembele&Kulian Mbappe janë bërë bashkëlojtarët e parë që kanë shënuar gjashtë apo më shumë gola në një edicion të Kupës së Botës.
Edhe
Gola, teknologji dhe pushime për freskim: Si do ta kujtojmë Kupën e Botës
Didier Deschamps është bërë trajneri me më së shumti paraqitje në Kupën e Botës, plot 26. Deschamps i dha fund drejtimit të Francës në fund të Botërorit. Rekordin e mëparshëm e mbante Helmut Schon i Gjermansë Perëndimore me 25 ndeshje.
Johan Manzambi i Zvicrës është bërë zëvendësuesi më i ri që i ka shënuar dy gola në një ndeshje të Botërorit. Manzambi e arriti këtë me 20 vjet e 247 ditë.
Kylian Mbappe është autor i rekordit më të njohur. Ai tashmë është golashënuesi më i mirë në Kampionate Botërore me 22 gola. Para Botërorit, Miroslav Klose ishte në krye të listës me 16 gola.
Tani Mbappe është i pari me 22 gola në 22 ndeshje në Kampionate Botërore. Lionel Messi është i dyti me 21 gola në 34 ndeshje dhe Klose renditet i treti me 16 gola në 24 ndeshje.
Lionel Messi është lojtari me më së shumti fitore në Kampionate Botërore – 23. Është edhe lojtari që ka shënuar më së shumti gola në ndeshje rresht – 9. Messi është po ashtu lojtari me më së shumti gola të shënuar me goditje të bëra jashtë zonës – 7.
Edhe
Tradita e kultura jashtë fushës së Botërorit
Michael Olise i Francës e ka tashmë rekordin për më së shumti asistime në një edicion të Botërorit. Ai ka bërë shtatë asistime. Rekordin e mbane Pele me gjashtë asistime në vitin 1970.
Pesë asistime të Olises ishin për Kylian Mbappe, që po ashtu është rekord për asistimet e një lojtari për një tjetër.
Rodri i Spanjës mban rekordin për më së shumti pasime të kompletuara në një edicion të Botërorit. Rodri ka kompletuar plot 790 pasime. Rekordin e mëparshëm e mbante po Rodri me 638 pasime të suksesshme në “Katari 2020”. Xavi i kishte 599 pasime të suksesshme në Botërorin 2010.
Cristiano Ronaldo nuk mungon në këtë mes. Ai është lojtari i vetëm që ka shënuar gola në gjashtë edicione të Kupës së Botës.
Edhe
Botërori solli shumë emocione – fotografët i zgjedhin shkrepjet e preferuara
Eloy Room tani mban rekordin për më së shumti pritje në një ndeshje të Botërorit. Portieri i Kurasaot ka bërë plot 16 pritje ndaj Ekuadorit. Kaq pritje kishte edhe Tim Howard i SHBA-së në vitin 2014, por vetëm pas dy vazhdimeve nga 15 minuta.
Unai Simon i Spanjës e mban rekordin për më së shumti ndeshje në Kupë të Botës pa pësuar gol. Portieri spanjoll nuk u mposht në plot shtatë ndeshje.
