Një zjarr i madh ka shpërthyer sot në një ndërtesë industriale në Sprittenbach afër Cyrihut.
Shtatë persona pësuan asfiksim, katër prej të cilëve u shtruan në spital.
Sipas policisë së kantonit Aargau, zjarri ka rënë në një objekt magazinimi në të cilin ruhet edhe bitum, prandaj tymi është shumë i zi. Në vendngjarje ka shkuar shërbimi zjarrfikës dhe në një distancë prej disa kilometrash është parë një re e madhe tymi.
Bitumi është i nevojshëm për prodhimin e asfaltit. Sipas zëdhënësit të policisë Adrian Bieri, zjarri u përhap shpejt në ndërtesa të tjera. Megjithatë, nuk ka ndërtesa banimi në afërsi.
Pjesa e pasme e magazinës u shemb rreth dy orë pas shpërthimit të zjarrit. Ndërtesa të tjera u dogjën dhe u shembën, raporton Tagesanzeiger./tch
Artikuj të ngjashëm
-
Dhjetë persona asfiksohen në Shtime, s’dihet arsyeja pse shpërtheu zjarri
-
Sulm me thikë në një stacion treni afër Cyrihut, tre të plagosur
-
Identifikimi i të vdekurve nga zjarri në një autobus në Zvicër mund të zgjasë me ditë
-
Autobusi përfshihet nga zjarri në Zvicër, 6 të vdekur e 5 të lënduar
-
Vdes edhe një 18-vjeçar i lënduar nga zjarri në resortin e skijimit në Zvicër