Zelanda e Re dëbon një diplomat amerikan

Një diplomat amerikan është dëbuar nga Zelanda e Re, pasi ambasada nuk pranoi të heqë dorë nga imuniteti i tij gjatë një hetimi të policisë.

Ai thuhet të ketë qenë i përfshirë në një incident më 12 mars, por policia nuk kishte arritur që ta marrë në pyetje, pasi ambasada e refuzoi kërkesën e tyre, shkruan BBC.

Zelanda e Re më pas kërkoi nga SHBA që ta largonte diplomatin për të cilin zyrtarët amerikanë konfirmuan se ishte larguar nga vendi të shtunën .

Policia ndërkohë ka refuzuar që të japë detaje rreth akuzave.

Ndërkohë autoritet në Zelandë të Re, kanë raportuar se një njeri identitetin e të cilit nuk e kanë bërë publik, me hundë të thyer dhe sy të nxirë është larguar nga vendi, transmeton KosovaPress.