Shtetet evropiane nuk janë në “pozitë” për të kritikuar Iranin, tha sot ministri i Jashtëm i këtij vendi, Mohammad Javad Zarif, pak para se të takohej me homologun e tij gjerman, Heiko Maas.
Kryediplomati gjerman pritet të qëndrojë në Iran gjatë ditës së hënë, për t’i bërë presion Iranit që të zbatojë marrëveshjen bërthamore të vitit 2015, nga e cila është tërhequr Shtetet e Bashkuara.
“Evropianët nuk janë në pozitë që ta kritikojnë Iranin”, tha Zarif.
Irani e nënshkroi marrëveshjen bërthamore me Kinën, Rusinë, Gjermaninë, Britaninë, Francën dhe Shtetet e Bashkuara. Kjo marrëveshje kishte për qëllim lehtësimin e sanksioneve ndaj Teheranit, në këmbim të frenimit të programit bërthamor të Iranit.
SHBA-ja u tërhoq nga kjo marrëveshje vitin e kaluar, teksa presidenti amerikan, Donald Trump tha se Irani nuk po e respekton paktin bërthamor dhe rivendosi sanksione ekonomike ndaj Teheranit.
-
Ministri gjerman në Iran, në përpjekje për të shpëtuar marrëveshjen bërthamore
-
Irani dhe fuqitë botërore diskutojnë këtë javë për paktin bërthamor
-
Irani dhe fuqitë evropiane diskutojnë sot rreth programit bërthamor dhe sanksioneve
-
Irani pajtohet për bisedime bërthamore me fuqitë evropiane në javën e ardhshme
-
Britania, Franca dhe Gjermania i kërkojnë Iranit të mos ndërmarrë asnjë veprim destabilizues