Janë absurde akuzat e Beogradit mbi praninë e spiunëve bullgarë në territorin serb, deklaroi ministrja e Jashtme Bullgare, Ekaterina Zaharieva.
Deklarata e Zaharievas vjen si përgjigje ndaj akuzave të iniciuar nga presidenti i Komisionit për Kosovën në parlamentin serb, Milovan Drecun, sipas të cilit në Serbi “operon një grup i madh agjentësh të shërbimit sekret bullgar” dhe se ”Bullgaria merr pjesë në një qendër spiunazhi në Maqedoninë e Veriut në të cilën merr pjesë edhe Kroacia”.
Zaharieva vuri në dukje se deklarata të tilla “nuk kontribuojnë në zhvillimin e marrëdhënieve dypalëshe midis vendeve, ku Bullgaria ka mbështetur gjithmonë Serbinë për sa i përket perspektivës evropiane”.
Kritika edhe nga ministri bullgar i Mbrojtjes, Krasimir Karakaçanov.
“Fakti që Serbia ka probleme të brendshme nuk do të thotë që Bullgaria duhet të kryejë rolin e rosës që tërheq vëmendjen”, theksoi ministri bullgar i Mbrojtjes Krasimir Karakaçanov/ANSA.
-
Drecun akuzon Sofjen për spiunazh, kjo thërret Beogradin të fokusohet në problemet brenda shtëpisë së vet
-
Rusia paralajmëron Vuçiqin: E papranueshme që ushtarët rusë të vriten nga armët serbe
-
Punonjësja e OSBE-së nuk e pranon fajësinë për spiunazh
-
Bullgaria mohon përfshirjen në aleancën e mbrojtjes mes Kosovës, Shqipërisë dhe Kroacisë
-
Tre shtetas bullgarë dënohen në Britaninë e Madhe pasi “spiunuan te Rusia”