Zagreb, 10 shtator – Kroacia ka bërë një note proteste kundër Serbisë për atë që Zagrebi e quan si një përpjekje të një grupi ushtarësh serbë për të hyrë ilegalisht në territorin kroat, të shtunën e kaluar, transmeton ATSH raportimin e ANSA-s.
Megjithëse ambasadorja serbe në Zagreb, Mira Nikoliq u thirr në Ministrinë e Jashtme kroate, ajo nuk pranoi ankesën e paraqitur nga autoritetet kroate.
Incidenti ndezi polemika mes dy vendeve, me shkëmbime deklaratash dhe akuza pas mëngjesit të së shtunës, kur policia kufitare kroate u ndaloi hyrjen në vend një grupi prej 11 ushtarësh serbë, të cilët synonin të bënin vizita për viktimat serbe në ish-kampin e përqendrimit në Jasenovac, i themeluar nga regjimi pro-fashist kroat i ustashëve gjatë Luftës II Botërore.
Ministria e Jashtme kroate e quajti incidentin si një provokim nga Beogradi.
Ushtarët, pretendon Zagrebi, u përpoqën të hyjnë ilegalisht në Kroaci pa njoftuar autoritetet dhe pa asnjë autorizim për të kaluar kufirin.
Edhe
Eskalojnë raportet, Kroacia u rekomandon qytetarëve të saj të mos udhëtojnë në Serbi
Në të njëjtën kohë, reagime të shumta pati edhe nga ana serbët drejtuar Kroacisë, një vend fqinj, anëtare e BE-së dhe NATO-s.
Ministria e Jashtme kroate tha se ”incidenti është një demonstrim i paaftësisë së Serbisë për të harruar të kaluarën e saj për luftërat e viteve ’90”.
-
Kroacia i dërgon notë proteste Serbisë
-
Deputeti kroat thotë se serbët e Kroacisë po ftohen për mobilizim në rast të luftës në Kosovë
-
Vuçiqi tenton të shkojë në Kroaci pa lajmërim, Qeveria: Ai dëshiron të krijojë kaos
-
Deklarata e Vuçiqit acaron raportet Serbi-Kroaci, Zagrebi kërcënon me bllokadë në BE