Yulia Navalnaya, e veja e liderit të opozitës ruse, Alexei Navalny, përmes një video mesazhi, u ka kërkuar rusëve që të mos heqin dorë nga lufta kundër regjimit, pas fitores së Vladimir Putinit në zgjedhjet presidenciale.
“Ne do të luftojmë që askush në botë të mos e njohë Putinin si një president legjitim, në mënyrë që askush të mos ulet për të biseduar me të, në mënyrë që mafia e Putinit të luftohet si një grup i krimit të organizuar, në mënyrë që të gjithë ta kuptojnë se Putini nuk është Rusi”, ka deklaruar Navalnaya.
Ajo i falënderoi të gjithë ata që protestuan të dielën pranë qendrave të votimit. Kjo strategji proteste u miratua edhe nga lideri i opozitës Alexei Navalny jo shumë kohë përpara vdekjes së tij.
“Ne i kemi dëshmuar vetes dhe të tjerëve se Putini nuk është presidenti ynë, ne nuk e zgjedhim atë dhe nuk heshtim. As frikësimi dhe as kërcënimet nuk funksionuan. Ju jeni më të fortë se ata”, shtoi Navalnaya.
-
Një vit nga vdekja e Navalnyt, e veja e tij akuzon Putinin për fshehjen e së vërtetës
-
E veja e Navalnyt thotë se do të garojë për presidente të Rusisë
-
Gjykata ruse urdhëron arrestimin e Yulia Navalnayas
-
E ardhmja e opozitës ruse pas vdekjes së Alexei Navalnyt
-
E veja e Navalnyt u bën thirrje rusëve të protestojnë në ditën e zgjedhjeve