Dhjetëra të infektuar me koronavirus në shtetin e Missourit ia kanë mësyrë qendrave të votimit për t’i hedhur votat e tyre.
Ata nuk kanë dalë nga veturat dhe zyrtarët e qendrës kanë marrë fletëvotimet teksa kishin të veshura pajisjet mbrojtëse.
“Jam testuar pozitive në ditën e zgjedhjeve, por bëra çfarë munda që të votoj”, ka thënë njëra prej votuesve të infektuara me virus, transmeton KOHA.
Vetëm në 24 orët e fundit, në Shtetet e Bashkuara janë konfirmuar 91 mijë raste të reja me koronavirus.
Numri total i të infektuarve në SHBA ka arritur në tetë milionë ndërsa kanë vdekur 232 mijë persona.
Artikuj të ngjashëm