Bashkimi Evropian nuk mund të lejojë që Rusia ta fitojë luftën në Ukrainë, pavarësisht se çfarë ndodh në Shtetet e Bashkuara pas zgjedhjeve presidenciale, ka thënë të mërkurën presidentja e Komisionit Evropian, Ursula von der Leyen, raportoi “Euronews”.
Para deputetëve të Parlamentit Evropian, Von der Leyeni ka thënë se Evropa nuk e ka luksin e rehatisë në lidhje me këtë çështje.
"Nuk e kemi kontrollin e zgjedhjeve apo vendimeve në pjesë të tjera të botës. Thjesht nuk kemi kohë për ta anashkaluar çështjen. Me ose pa mbështetjen e partnerëve tanë, nuk mund ta lëmë Rusinë të fitojë. Kostoja e pasigurisë - kostoja e një fitoreje ruse - është shumë më e madhe se çdo kursim që mund të bëjmë tani”, ka thënë ajo.
Kërkesa e saj vjen pas komenteve të bëra nga Donald Trumpi, kandidati kryesor republikan, i cili tha hapur se do të "inkurajonte Rusinë të bënte çfarë të dojë kundër vendeve të NATO-s që nuk arrijnë t’i kryejnë shpenzimet e mbrojtjes”.
Në fjalimin e saj në Strasburg, Von der Leyen tha se Evropa ka jetuar nën iluzionin se paqja është e përhershme.
“Kontinenti duhet të jetë gati për luftë. Kërcënimi i luftës mund të mos jetë afër, por nuk është i pamundur”, ka shtuar ajo.
-
Von der Leyen: Rusia s’ka qëllim të vërtetë të angazhohet në bisedime paqeje
-
Von der Leyen: Kufijtë s’mund të ndryshohen me forcë
-
Von der Leyen: Evropa s’do ta lejojë Rusinë të mbjellë përçarje dhe ankth
-
Von der Leyen reagon pas telefonatës së Trumpit me Putinin
-
Von der Leyen: Putinit s’i besohet, Evropa duhet të forcojë mbrojtjen