Sekretari i jashtëm britanik, Jeremy Hunt ka deklaruar se do të ketë hetim të brendshëm lidhur me rrjedhjen e letrave diplomatike që shfaqin kritikat e ambasadorit britanik në SHBA ndaj administratës së presidentit Trump.
Ambasadori Sir Kim Darroch, në letrat që u publikuan në gazetën britanike “Mail on Sunday”, kishte shkruar se administrata e Trumpit është e dobët dhe shumë jofunksionale, transmeton KTV. E shefi i tij, sekretari Jeremy Hunt, e mbrojti ambasadorin për vlerësimet e sinqerta që bëri ndaj Administratës amerikane.
“Janë vlerësime personale, me të cilat shumë njerëz nuk pajtohen”, tha Hunt në një konferencë për media. E i pyetur nëse ka të njëjtin vlerësim për administratën e Trumpit, sekretari i Jashtëm deklaroi se nuk mban të njëjtin qëndrim si ambasadori.
Pa reaguar nuk e ka lënë as vetë presidenti Trump që u kundërpërgjigj, duke thënë se ambasadori britanik nuk i ka shërbyer mirë vendit të tij në Uashington.
-
Jep dorëheqje ambasadori britanik në SHBA
-
Anulohet një takim i zyrtarëve të lartë britanikë dhe amerikanë
-
-
Gazeta “The Daily Mail” boton kabllograme të reja të ish-ambasadorit të Britanisë në SHBA
-
Trumpi u tërhoq nga marrëveshja bërthamore me Iranin për inat të Obamas