Në Shtetet e Bashkuara të Amerikës, nga Florida në Kaliforni nëpërmjet Teksasit, pjesa më e madhe e vendit është ende nën kontrollin e një vale të nxehti, e cilësuar si “dërrmuese” nga shërbimet meteorologjike, të cilat parashikojnë rekorde të reja të temperaturës.
Në Death Valley, Kaliforni, termometri u ngjit në 51C mbrëmë, ndërsa sot priten 54C, raporton BBC-ja.
Krahas temperaturave të larta, Kalifornia Jugore po digjet nga disa zjarre ende të ndezura, të cilat tashmë kanë shkatërruar më shumë se 1 214 hektarë dhe kanë çuar në evakuimin e popullsisë.
Disa zona në Arizona, por edhe në Kaliforni, Utah dhe Nevada janë në një nivel paralajmërimi “magenta”, një “nivel i rrallë dhe/ose afatgjatë i nxehtësisë ekstreme” që përfaqëson nivelin maksimal të paralajmërimit kombëtar të shërbimit të motit.
Rënia e temperaturave nuk duket ende në horizont.
Edhe
Një në pesë amerikanë nën alarm të motit ekstrem
Pjesë të tjera të SHBA janë në rrezik të motit të keq.
“Stuhitë, shirat e dendur dhe përmbytjet janë të mundshme në shumë vende, veçanërisht në New England, e cila tashmë është ngopur me shirat e fundit”, raporton Shërbimi Kombëtar i Motit./ksp
