Një mik i tjetër i rangut të lartë i presidentit rus Vladimir Putin, ka vdekur në rrethana misterioze, raporton “Mirror”.
Ivan Pechorin, që ishte zgjedhur nga Putin për të drejtuar zhvillimet e resurseve natyrale në territoret ruse në Arktik, vdiq pasi u “rrëzua nga jahti i tij privat”.
39-vjeçari është fundosur në det.
Pechorin është figura tjetër e lartë ruse e lidhur me sektorin energjetik dhe me Kremlinin që ka vdekur në rrethana të dyshimta.
Raportohet se ai ka rënë nga anija në ujërat afër ishullit Cape Ignatiev.
Edhe
Historia e atentateve ndaj kundërshtarëve të Putinit
Trupi i tij është gjetur pas një kërkimi 24-orësh.
Në shkurt vdiq Igor Nosov në moshën 43-vjeçar, pas një “sulmi në zemër”.
Po ashtu vdiq edhe Yevgeny Zinichev (55), ministër i Emergjencave dhe ish-truproje e Putinit.
Ai kishte vdekur një vit më parë pas një rënie misterioze në një ujëvarë në Arktikun Rus.
Putini po e shihte atë si zëvendësues të vetin.
Disa zyrtarë tjerë të lartë të rrethit të ngushtë të Putinit po ashtu kanë vdekur këtë vit në rrethana misterioze, si tajkuni i naftës Ravil Maganov dhe Alexander Tyulakov, ish-zyrtar i lartë financiar dhe i sigurisë në kompaninë Gazprom.
Maganov është raportuar se ka rënë nga dritarja e Spitalit të Moskës.
Edhe
Vdekjet e dyshimta të oligarkëve rusë
Po ashtu vdiqën edhe Yuri Voronov, dhe Vladislav Ayaev, të lidhur mee Gazprom dhe Gazprombank.
Miliarderi, Alexander Subbotin (43), i lidhur me gjigantin energjetik Lukoil, u gjet i vdekur në maj. Kishte dyshime se ai është helmuar dhe ka pësuar sulm në zemër.
