Gratë në Kuvajt janë të inatosura pasi ushtria që lejoi që gratë ushtare të shërbejnë në role luftarake, ka vendosur se atyre do t’u duhet leja e kujdestarit burrë dhe janë ndaluar që të mbajnë armë, raporton The Guardian.
Aktivitët e kanë përshkruar këtë vendim si “një hap para, dy prapa”, pasi Ministria e Mbrojtjes vendosi po ashtu që gratë në forcat e armatosura, ndryshe nga civilët, duhet të mbajnë mbulesë në kokë.
“Nuk e di pse janë këto ndalime për t’iu bashkuar ushtrisë”, ka thënë Ghadeer al-Khashti, anëtare e Shoqatës së Futbollit në Kuvajt.
Ajo ka thënë se e ëma e saj kishte ndihmuar rezistencën kur diktatori i Irakut Saddam Husseini pushtoi Kuvajtin më 1990 dhe e okupoi për 7 muaj para se të hiqej nga koalicioni ndërkombëtar i udhëhequr nga SHBA-ja.
Ministria në tetor vendosi t’i lejojë gratë në role luftarake, por më pas vendosi ndalimet.
