Presidenti amerikan, Donald Trump, është shprehur shumë i zemëruar me shtetin francez, për mosndihmë në luftën ndaj Iranit.
Në një postim në Truth Social të martën, presidenti ka kritikuar Francën se nuk po lejon aeroplanët e ngarkuar me furnizime ushtarake që shkojnë drejt Izraelit, të fluturojnë mbi territorin francez.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëtë, siç ka shkruar Trumpi, SHBA-ja do të mbajë mend mirë.
“Shteti i Francës nuk do të lejojë aeroplanët e ngarkuar me furnizime ushtarake që shkojnë në Izrael të fluturojnë mbi territorin francez. Franca ka qenë shumë jondihmuese në lidhje me ‘Kasapin e Iranit’, i cili është eliminuar me sukses. SHBA-ja do të mbajë mend këtë”, ka shkruar Trumpi.
Franca nuk e ka lejuar Izraelin të përdorte hapësirën e saj ajrore për të transportuar armë amerikane që do të përdoreshin në luftën kundër Iranit, kanë thënë të martën për Reuters një diplomat perëndimor dhe dy burime të njohura me çështjen.
Burimet kanë shtuar se refuzimi, i cili ka ndodhur në fundjavë, shënonte herën e parë që Franca e kishte bërë këtë që nga fillimi i konfliktit në Iran.
Ndërkohë, të hënën Spanja ka njoftuar se kishte mbyllur hapësirën ajrore për aeroplanët ushtarakë amerikanë, që do të shkonin drejt Iranit për qëllime lufte.
Pentagoni refuzon të konfirmojë angazhimin e SHBA-së ndaj mbrojtjes kolektive të NATO-s
Photo: Associated Press
Sekretari i Mbrojtjes, Pete Hegseth, ka refuzuar të martën të rikonfirmojë angazhimin e Shteteve të Bashkuara ndaj mbrojtjes kolektive të NATO-s, duke thënë se kjo do të varet nga presidenti Donald Trump, pasi aleatët evropianë nuk kishin qëndruar përkrah SHBA-së në luftën kundër Iranit.
Deklaratat e Hegseth gjatë një konference për shtyp në Pentagon ishin të jashtëzakonshme, duke pasur parasysh se mbrojtja kolektive është në thelb të aleancës së NATO-s, e cila u formua në vitin 1949 me qëllimin kryesor për të kundërshtuar rrezikun e një sulmi sovjetik ndaj territorit të aleatëve.
Çdo sinjal nga Shtetet e Bashkuara se mund të mos jenë të gatshme të mbrojnë aleatët e NATO-s në rast të një sulmi nga Rusia ose një kundërshtari tjetër, mund ta dobësojë ndjeshëm aleancën, edhe nëse Trumpi vendos të mos tërhiqet plotësisht prej saj, një veprim që mund të kërkojë miratimin e Kongresit.
Ekspertët kanë paralajmëruar prej kohësh se deklarata të tilla mund të inkurajojnë gjithashtu Rusinë të testojë gatishmërinë e vendeve anëtare të NATO-s për të zbatuar Nenin 5 të aleancës, i cili thotë se një sulm i armatosur kundër një shteti anëtar konsiderohet si sulm kundër të gjithëve.
“Sa i përket NATO-s, kjo është një vendimmarrje që do t’i lihet presidentit. Por mund të them se shumë gjëra janë bërë të qarta”, ka thënë Hegseth i pyetur nga Reuters gjatë një konference për shtyp nëse Shtetet e Bashkuara janë ende të përkushtuara ndaj mbrojtjes kolektive të NATO-s.
Hegseth më pas duket se iu referua komenteve të fundit të Trumpit në rrjetet sociale, ku ai kritikoi Francën për moslejimin e fluturimit mbi territorin e saj të avionëve ushtarakë amerikanë që transportonin furnizime drejt Izraelit dhe gjithashtu kritikoi Britaninë për mosnisjen e luftës kundër Iranit së bashku me SHBA-në dhe Izraelin.
Trumpi ka deklaruar të premten se Shtetet e Bashkuara “nuk kanë pse të jenë aty për NATO-n”.
Ditët e ardhshme do të jenë vendimtare në luftën e Iranit, thotë shefi i Pentagonit
Photo: Associated Press
Sekretari amerikan i Mbrojtjes, Pete Hegseth, ka deklaruar se ditët e ardhshme të luftë së Iranit, do të jenë vendimtare.
Në një konferencë për media të martën në Shtëpinë e Bardhë, Hegseth ka shtuar se Irani e di këtë dhe se tani nuk ka se çfarë të bëjë.
"Ditët e ardhshme do të jenë vendimtare. Irani e di këtë dhe nuk ka pothuajse asgjë që mund të bëjë ushtarakisht për këtë”, ka thënë Hegseth.
“Ne kemi gjithnjë e më shumë mundësi dhe ata kanë më pak... vetëm në një muaj ne përcaktojmë kushtet, ditët e ardhshme do të jenë vendimtare”, ka shtuar ai.
Hegseth po ashtu ka deklaruar se morali i ushtrisë iraniane është shkatërruar.