Ish-presidenti i Shteteve të Bashkuara të Amerikës, Donald Trump, e ka quajtur presidentin aktual, Joe Biden “armik të shtetit”, në tubimin e parë të mbajtur që kur FBI-ja kontrolloi shtëpinë e tij në Florida për dosje të ndjeshme, shkroi BBC-ja të dielën.
Në fjalimin e tij para mijëra mbështetësve në Ëilkes-Barre të Pensilvanisë, Trumpi e akuzoi Bidenin se ka armatosur FBI-në kundër tij.
“Bastisja ishte një nga abuzimet më tronditëse të pushtetit nga çdo administratë në historinë amerikane", ka thënë Trump.
76 vjeçari e kaloi pjesën e parë të fjalimit të tij gati dy orësh duke kritikuar kontrollin e FBI-së, por më pas iu kthye temave të njohura, si pretendimet e rreme se iu vodhën zgjedhjet e vitit 2020.
Ai bëri thirrje disa herë që njerëzit që merren me drogë të marrin dënimin me vdekje.
Edhe
Trumpi ia heq Bidenit të drejtën për qasje në informacione të klasifikuara
Ish-presidenti është aktualisht i përfshirë në një përleshje ligjore me autoritetet federale për një sasi të vogël dokumentesh të klasifikuara që FBI-ja kapi muajin e kaluar.
Autoritetet qeveritare thonë se Trumpi mori dhe ruajti dokumentet e Shtëpisë së Bardhë në mënyrë të jashtëligjshme, duke përfshirë disa shënime sekrete, në shtëpinë e tij në Florida.
