Donald Trump do të jetë ish-presidenti i parë i Shteteve të Bashkuara të Amerikës që do të përballet me akuza penale, raportoi NewYorkTimes të enjten. Akuzat konkrete ende s'janë bërë të ditura, por çështja lidhet me një pagesë ndaj një ylli të filmave për të rritur gjatë fushatës së tij të 2016-s.
Sipas mediumit, një juri e madhe votoi që Trump të ndiqet për këtë vepër, derisa aktakuza u tha se do të lëshohet për publik ditëve në vijim.
Trump ka këmbëngulur se do të vazhdojë të kërkojë nominimin për të rikandiduar për president të SHBA-së.
Ekipi ligjor i Trumpit s’ka dhënë ende asnjë koment për këtë rast.
