Administrata e Presidentit Trump ka shkarkuar anëtarët e mbetur të Këshillit Presidencial Këshillues për HIV-in dhe Sidën.
Anëtarët e këshillit morën një letër këtë javë ku thuhej se emërimet e tyre merrnin fund “menjëherë”, sipas një artikulli në gazetën “Washington Post”, transmeton VoA.
Këshilli ishte krijuar në vitin 1995 gjatë administratës së ish-Presidentit Clinton, për të këshilluar Shtëpinë e Bardhë për strategji dhe politika për të luftuar këtë sëmundje.
Gjashtë nga anëtarët e Këshillit, të indinjuar nga veprimet e Shtëpisë së Bardhë për politikat për shëndetësinë, dhanë dorëheqjen në qershor. Scott Schoettes, një avokat në një organizatë për të drejtat e komunitetit LGBT, ishte një prej tyre.
Në atë kohë ai u shpreh se Presidentit Donald Trump "nuk i interesojnë të sëmurët me HIV”.
-
Sekretari i Shëndetësisë në SHBA shkarkon anëtarët e Komitetit këshillues për vaksina
-
Trump largon nga Këshilli për Siguri Kombëtare një ndihmës të tij
-
Trumpi ia revokon Harrisit mbrojtjen nga Shërbimi Sekret
- Rikthimi i Donald Trumpit dhe OBSH-ja!
-
BE-ja e shqetësuar me tërheqjen e SHBA-së nga Organizata Botërore e Shëndetësisë