Presidenti amerikan Donald Trump tha të martën se Shtetet e Bashkuara mbështesin Greqinë, ndërsa ky vend rimëkëmbet nga kriza ekonomike.
Presidenti Trump u takua të martën në Shtëpinë e Bardhë me Kryeministrin grek Alexis Tsipras. Pas takimit, të dy udhëheqësit mbajtën një konferencë të përbashkët shtypi në oborrin e Shtëpisë së Bardhë.
Trump tha në konferencën e shtypit se të dy krerët diskutuan mbi mbrojtjen, energjinë, ekonominë dhe tregtinë.
Ai vlerësoi Greqinë për shpenzimet e saj në fushën e mbrojtjes si anëtare e NATO-s dhe tha se Shtetet e Bashkuara mund t’i shesin Athinës avionë luftarakë F-16, me një vlerë prej 2.4 miliardë dollarësh, një veprim që sipas presidentit do të krijonte mijëra vende pune në Shtetet e Bashkuara.
Nga ana e tij, kryeministri Tsipras tha se vendi i tij ka bërë përparime ekonomike, dhe se bashkëpunimi i Greqisë me Shtetet e Bashkuara po bëhet “gjithnjë e më i rëndësishëm”.
-
700 milionë dollarë, aeroplanët luftarakë turq pritet të forcohen me motorë amerikanë
-
G7-a zotohet për “mbështetje të palëkundur për Ukrainën”
-
Trumpi i bën thirrje Erdoganit të ndalojë blerjen e naftës ruse
-
Erdogani kthehet në Shtëpinë e Bardhë, Trumpi i jep shpresë për avionët luftarakë
-
Trumpi thotë se SHBA-ja mund të ofrojë mbështetje ajrore për Ukrainën