Donald Trump shënon një tjetër rekord historik; atë të presidentit më pak të pëlqyer në SHBA në muajin e parë të udhëheqjes së tij.
Një sondazh i ri i “Gallup” sugjeron se vetëm 40 për qind e amerikanëve e mbështesin biznesmenin e kthyer në politikan. Ndërsa shumica e liderëve të rinj shijojnë një hov të popullaritetit në fillim të mandatiti, niveli i miratimit për Trumpin është 21 për qind më pak se sa mesatarja. Rekordin paraprak e mbante Bill Clintoni, që e mbylli muajin e parë të presidencës me një nivel mbështetjesh prej 51 për qind. Ronald Reagan ishte i vetmi president përveç tij, që në këtë fazë të mandatit pati më pak se 60 për qind të miratimit popullor, shkruan tch.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoEdhe në 2 javët e para të presidencës, popullariteti i Trumpit shënoi një rekord të ulët, prej 45 për qind. E megjithatë, miliarderi nuk është i pari udhëheqës që përjeton një rënie të pëlqyeshmërisë në muajt e parë në Shtëpinë e Bardhë.
Niveli i mbështetjeve për Bill Clintonin dhe Barack Obaman u ul ndjeshëm gjatë muajve të parë në detyre, e rënia prej 7 pikë përqindje e Clintonit përfaqësoi më të madhën të regjistruar ndonjëherë nga “Gallup”.
John Kennedy dhe Jimmy Carter ishin presidentet me nivelin më të lartë të mbështetjeve në muajin e parë të udhëheqjes, prej mbi 70 për qind. Të dhënat negative për Trumpin vijnë pas vendimeve polemizuese të administratës së tij, mes të cilave urdhri për ndalimin e udhëtimeve nga 7 vende myslimane.